الكورة فلوس.. حرامية في نابولي

لندن

في مايو 2021 قرر نادي نابولي تعيين المدرب المخضرم سباليتي مديرا فنيا للفريق.

وبعد سنة بالظبط من القرار دا وتحديدا الموسم اللي فات جماهير نابولي سرقت عربية سباليتي، بسبب سوء النتائج سباليتي قرب ياخد الدوري الإيطالي مع نابولي لأول مرة منذ عام 90، واحتمال يكسب دوري الأبطال كمان، ولسه الجماهير مرجعتلوش عربيته.

اللي سرقوا عربية سباليتي كانوا واضحين في رسالتهم كتبوا لسباليتي على حائط مواجه لفندق إقامته: سنعيد لك سيارتك، بمجرد رحيلك عن الفريق، مش بمجرد تحسن النتائج، ولا بمجرد الفوز ببطولة، لا لا لا بمجرد رحيلك عن الفريق.

خلي بالك إن سباليتي إن عربيته اتسرقت بسبب سوء النتائج دا، أنهى الدوري في المركز الثالث بفارق ٧ نقط عن ميلان البطل، الموسم اللي فات ترتيب عادي جدا لفريق زي نابولي، بل بالعكس ناس كتير هتشوفه ترتيب ممتاز لفريق ماخدش الدوري الإيطالي غير مرتين وآخر مرة من سنة 90.

في إيه يا لصوص، لا أنتوا طمعتوا في العربية، مش موضوع سوء نتائج ولا الكلام دا.

الفكرة إن إدارة الفريق قابلت واقعة سرقة عربية سباليتي بقرارات مستفزة للجماهير، أولا الإبقاء على سباليتي، ثم رحيل ميرتينز هداف نابولي التاريخي ببلاش، ثم رحيل إنسيني أحد نجوم الفريق ومعشوق الجماهير ببلاش، ثم رحيل كاليدو كوليبالي، قائد الفريق مقابل 38 مليون لتشيلسي.

وطبعا دي اللحظة اللي اللصوص قسموا فيها عربية سبالييتي نصين وبدأوا يبعوها خردة.